لبنان اور اسرائیل جنگ بندی کا خیر مقدم، شہباز شریف کا بیان

پاکستان کے وزیر اعظم شہباز شریف نے لبنان اور اسرائیل کے درمیان جنگ بندی کے اعلان کا خیر مقدم کرتے ہوئے اسے خطے میں امن کی جانب ایک مثبت پیش رفت قرار دیا ہے۔

اپنے بیان میں انہوں نے کہا کہ امریکی صدر ڈونلڈ ٹرمپ کی قیادت میں ہونے والی سفارتی کوششوں نے اس جنگ بندی کو ممکن بنایا، جو کہ ایک اہم سفارتی کامیابی ہے۔

وزیر اعظم نے امید ظاہر کی کہ یہ پیش رفت مشرق وسطیٰ میں دیرپا اور پائیدار امن کی بنیاد بنے گی اور خطے میں استحکام کو فروغ دے گی۔

انہوں نے کہا کہ پاکستان ہمیشہ لبنان کی خودمختاری اور علاقائی سالمیت کی مکمل حمایت کرتا رہے گا اور امن کے تمام اقدامات کی حمایت جاری رکھے گا۔

I welcome the announcement of a ceasefire in Lebanon, facilitated through bold and sagacious diplomatic efforts led by President Donald Trump, and express the hope that it will pave the way for sustainable peace.

Pakistan reaffirms its unwavering support for the sovereignty and…

— Shehbaz Sharif (@CMShehbaz) April 17, 2026

وزیر اعظم کے مطابق خطے میں مستقل امن کے لیے تمام سیاسی اور سفارتی کوششوں کی حوصلہ افزائی کی جائے گی تاکہ تنازعات کو کم کیا جا سکے۔

دوسری جانب مختلف عالمی رپورٹس کے مطابق ایران میں جنگ بندی کے بعد لبنان اور اسرائیل نے بھی عارضی جنگ بندی پر اتفاق کیا ہے۔

امریکی ذرائع کے مطابق صدر ڈونلڈ ٹرمپ نے لبنان کے صدر جوزف عون اور اسرائیلی وزیر اعظم بنیامین نیتن یاہو سے گفتگو کے بعد 10 روزہ جنگ بندی پر اتفاق کی تصدیق کی ہے۔